അദ്ദിക്ർ

അപ്രകാരം വിശ്വാസികളെ രക്ഷപ്പെടുത്തുക എന്നത് നമ്മുടെ ബാധ്യതയാണ് എന്ന് 10: 103 ലും; അപ്രകാരം നാം വിശ്വാസികളെ രക്ഷപ്പെടുത്തുമെന്ന് 21: 88 ലും; നിശ്ചയം പ്രവാചകന്മാര്‍ അവരുടെ ജനതയിലേക്ക് വെളിപാടുകളും കൊണ്ട് വന്നപ്പോള്‍ അതിനെ തള്ളിപ്പറഞ്ഞ ഭ്രാന്തന്മാരോട് നാം പ്രതികാരം ചെയ്തു, വിശ്വാസികളെ സഹായിക്കുക എന്നത് നമ്മുടെ ബാധ്യത തന്നെയുമായിരുന്നു എന്ന് 30: 47 ലും പറഞ്ഞിട്ടുണ്ട്. പ്രവാചകന്മാരെയും വിശ്വാസികളെയും ഐഹികലോകത്തും സാക്ഷികള്‍ നിലവില്‍ വരുന്ന വിധിദിവസവും നാഥന്‍ സഹായിക്കുകതന്നെ ചെയ്യുമെന്ന് 40: 51 ലും പറഞ്ഞിട്ടുണ്ട്. 5: 48 ല്‍ പറഞ്ഞ എല്ലാവിധ ആപത്തുവിപത്തുകളെത്തൊട്ടും രോഗങ്ങളെത്തൊട്ടും നരകക്കുണ്ഠത്തെത്തൊട്ടും കാത്തുസൂക്ഷിക്കുന്ന അദ്ദിക്ര്‍ ഇന്ന് ഗ്രന്ഥമായി രൂപപ്പെട്ടിരിക്കെ ആരാണോ അദ്ദിക്റിനെ മുറുകെപ്പിടിച്ച് നേരെച്ചൊവ്വെയുള്ള പാതയില്‍ നിലകൊള്ളുന്നത്, അവന് യാതൊരു ബുദ്ധിമുട്ടും ബാധിക്കുകയില്ല. 11: 50-60; 26: 123-140; 46: 21-28; 54: 18-22; 69: 4, 6-8 തുടങ്ങിയ സൂക്തങ്ങളിലെല്ലാം ഹൂദ് നബിയുടെയും ആദ് ജനതയുടെയും സംഭവചരിത്രങ്ങള്‍ വിവരിച്ചിട്ടുണ്ട്. 6: 45-47; 7: 40; 35: 45 വിശദീകരണം നോക്കുക.